RC MAKONDA AZUIA TAMASHA LA FIESTA KUFANYIKA DAR ES SALAAM

Zikiwa zimebakia siku chache kabla ya kufanyika kwa tamasha la Fiesta, Mkuu wa Mkoa wa Dar, Paul Makonda amepiga marufuku matamasha yoyote ya muziki yanayozidi saa 6 usiku. Makonda amesema muda wa matamasha ya nje ni saa 6 usiku, na yeyote atakayezidisha muda huo atachukuliwa hatua kali kwa kuvunja sheria.
_
"Bado sheria haijabadilika. Mwisho wa matamasha ya muziki ya nje na kwenye bar ni saa 6 usiku. Anayetaka kuendelea aende club." Amesema Makonda leo kupitia Efm na kusisitiza kuwa amewaagiza Polisi kuzuia tamasha lolote litakalozidi saa 6 usiku, na kusema yeye mwenyewe huwa anatembea usiku kwahiyo atafanya monitoring kuhakikisha hakuna tamasha litakaloendelea baada ya muda huo.

Nini maoni yako??